[color="navy"وعند الرحيل .. يكون للنومسي .. نفس آخر يشبه الحزن حين يقول :يغـفـر الله للحبـيـب الـلـي رحـــل لـلـدوحـه
وغـادر بــلاد الكـويـت ولاعــرف منـزالـه
راح ماعطاني خبر عـن هجرتـه ونزوحـه
مـــن بـــلادٍ مـايـعـيـن بالـخـلـيـج أمـثـالــه
بالبـدايـه قـلـت كــذب وقـصــةٍ مـطـروحـه
لين شفـت البيـت تبكـي بـه سكـون أقفالـه
وإنصدمـت وجـظ قلـبـي وإبـتـدا سامـوحـه
وإبتديت أقول وش يبقى لي وش يبقـى لـه
مابـقـى لــي عـنـده إلا صورتـيـن ولـوحـه
ولا بـقـى لــه عـنـدي إلاخـاتـم وسلـسـالـه
وننظر له عندما يتحسر على الفراق .. وأحوال الفراق حين يقول :وين كنا وين صرنا وليش والا ليه اعيد
المشكله غاب وبعد كل ما يذكرني فيه غاب
لا سؤال ولا وصال ولا اتصال ولا بريد
حال يكسر خاطر الميت وهو تحت التراب
منت والله مستفيد ولاني والله مستفيد
ما كسبت الا عذاب ولا كسبت الا عذاب
والاكيد اللى عليه احلف واقول انه اكيد
ان قلبي من فراقك ذاب وذاب وذاب
هو شاعر عذب حد العذوبة ,, عذري في غزله ولا يشبه أحد لذلك لا يشبهه أحد .. عندما يطرق أبواب الغزل يتورّد الغزل من الحياء , فها هو يقول :
خذني غلا يا أصدق غلا بالوقت الأول والأخير
أبغاك تدرس حالتي أول وأنا أدرس حالتك
حنا نفس واحد .. وروح .. وقلب .. وعيون .. وضمير
عدالتي ظلمك .. وظلمي منتهى عدالتك
يا بدري الطلــّــة ويا طلــّــتك يا البدر المنير
ترى خسوف القمر .. بشارة وصول إطلالتك
وإطلالتك عندي أنا .. تعني لي الشي الكثير
لا صارت .. عيوني على خــدّك سحآآآآب .. وسالتك
أوقف .. وأسميــك الملك .. وشوي أسمــّيك .. الأمير
أخاف من سطوة سمــوّك ... وأحترم جلالتك..
وما المدح عنه ببعيد ,, هو عندما يمدح يربك الممدوح ويترك له بصمة لا يقلدها شاعر ,,, فهو يقول في مدح قبيلة يــام :
ســلام الله عـلـى يــام وســلام الله عـلـى هـمـدان
ســلام الله ســلام تـوقـف الدنـيـاء عـلــى شـانــه
هنـا يـام العريضـه منـجـم الابـطـال والشجـعـان
هنـا العـز وهنـا المجـد وهـنـا التـاريـخ واعيـانـه
هـنـا يـوقـف زمـنـا باحـتـرام ويـعـلـن الاذعـــان
لـيـا مـرتــه هـيـبـة يـــام والا صـيــت صبـيـانـه
هل الحرب وهل السلم وجلا الظلم وعما العدوان
هـل الخيـل وهـل الهيـل وهـل المبـخـر وعيـدانـه
حديهـم لالفـالـه ضـيـف واحــد يحسـبـه ضيـفـان
ولاتلـقـى ســوى جــزل الذبـايـح وســط ديـوانـه
ولاقــال ارحـبـوا وأدخــل يـديـنـه داخـــل الاذان
عـرفـت الـصـدق قـبـل يـفـك للضـيـفـان بيـبـانـه
وعندما يلعب على الموروث .. يبدع في ( الدحة ) حيث يقول مبتسما ً :تضحك وتغضغض مبسمها .. والضحكة ذابت من فمها .
قالتي تكفا يا مطلق .. ابغى دحه شماليه
قلت الغالي يطلب غالي .. قومي حوشيلي بعقالي .
يالله نبدا يالله نبدا .. نبدا بدايه فعليه
يا بنيه قومي غنيلي .. ياويلي منك يا ويلي
.وانا اصفقلك واغني .. يا بنيه ميلي يا بنيه
حبيني يا ريحة جدي .. تراني جيتك متحدي
. اللي عن دربك يحدوني .. اهل النيات الملويه
ابي اتفنن باوصافك .. لجل يشوفك من لا شافك .
وصف حي وتمشي روحه .. من روح الشعر وراعيه
ماني بوصف عيونك باحل .. عينك بحر ورمشك ساحل .
ليا ابحرتيبي واغضيتي .. تركبني مية جنيه
وخدودك بيض ومفروشه .. من ورد الجوري مرشوشه .
افتح من حب الرمانه .. واغمق من شمس العصريه
إلى هنا .. نقول بأن الشعر ما زال بخير .. وإلى فضاء آخر ..][/color]
|
أنت غير مسجل في ملتقى الحوازم من حرب الرسمي . للتسجيل الرجاء إضغط هنـا
المواضيع المتشابهه
العرض العادي
